Gənclər və idman naziri Fərid Qayıbov Niderlandın Veyk-an-Zeye şəhərində keçirilmiş "Tata Steel Chess" turnirində ikinci yeri tutan Azərbaycan şahmatçısı Şəhriyar Məmmədyarovla görüşüb.

Futbolmedia.az xəbər verir ki, nazir bu barədə şəxsi feysbuk hesabından paylaşım edib.

Qayıbov postda "Sizcə, nədən danışırıq" sualını da ünvanlayıb.

Görüşə Şəhriyar Məmmədyarovun bacıları Türkan Məmmədyarova və Zeynəb Məmmədyarova, onların valideynləri və Azərbaycan Şahmat Federasiyasının prezidenti Mahir Məmmədov da qatılıb.

Qeyd edək ki, Şəhriyar Məmmədyarov Niderland turnirində 13 oyundan 8 xalla ikinci olub.