Türkiyə Super Liqasının 22-ci turunun daha bir oyunu güclü qar səbəbindən yarımçıq dayandırılıb.

Futbolmedia.az xəbər verir ki, əlverişsiz hava şəraiti ötən gün keçirilən “Rizəspor” – “Antalyaspor” matçına əngəl olub.

Rizədə təşkil olunan qarşılaşmanın 23-cü dəqiqəsində güclənən qar yağışına görə matçın baş hakimi görüşü dayandıdırb. Oyunun bu gün keçirilməsinə qərar verilib.

Xatırladaq ki, ötən gün “Qaziantep” – “Yeni Malatyaspor” matçı da eyni səbəbindən yarıda qalmışdı. Oyunun ötən gün davam etdirilməsi nəzərdə tutulsa da, əlverişsiz hava şəraitinə görə yenə təxirə salınıb.