"Qarabağ" güclü və təcrübəli rəqibdir. Onlar Çempionlar Liqasının qrup mərhələsində oynayıb. Amma biz rəqibi təhlil etmişik və onlarla oyuna hazırıq".

Futbolmedia.az İsveçrə mətbuatına istinadən xəbər verir ki, bu sözləri "Bazel"in futbolçusu Paytim Kasami Konfrans Liqasının qrup mərhələsinin sonuncu turunda "Qarabağ"la oyun öncəsi deyib.

O, mübarizə apardıqları H qrupunun turnir cədvəli ilə bağlı bildirib: "Bizi riyazi hesablamalar maraqlandırmır. Həmişə qalib gəlib, qrup birincisi olmaq istəmişik. Gələn ilin fevralında pley-off oynamaqdansa, bu gün qələbə qazanmaq daha asandır".

Kasami oyuna marağın az olmasına da münasibət bildirib: "Görüşün başlama vaxtı qəribədir, həm də hava isti deyil. Yəqin ki, bu səbəbdən, azarkeşlər maraq göstərmir".

Qeyd edək ki, bu gün keçiriləcək "Bazel" - "Qarabağ" görüşü Bakı vaxtı ilə saat 24:00-da başlayacaq.