“Mançester Yunayted”in yarımmüdafiəçisi Bruno Fernandes və “Mançester Siti”də həmin mövqedə oynayan Bernardo Silva yaxın vaxtlarda eyni komandada çıxış edə bilərlər.

Futbolmedia.az xarici KİV-ə istinadən xəbər verir ki, hər iki portuqaliyalı futbolçuya “Qalatasaray” maraq göstərir.

İstanbul təmsilçisi hesab edir ki, bu iki oyunçunun transferi klubun Avropa futbolunun elitasına yüksəlməsinə ciddi təkan verə bilər. “Qalatasaray” rəhbərliyi hər iki oyunçu üçün cəlbedici maliyyə təklifləri hazırlayır.

Fernandesin “Mançester Yunayted”lə müqaviləsinin müddəti 2027-ci ilə qədərdir və “transfermarkt” portalına görə, onun bazar dəyəri 40 milyon avro təşkil edir.

Silva isə mövsümün sonunda “Mançester Siti”dən azad agent kimi ayrılacaq. O, müddəti başa çatacaq müqaviləsini yeniləmək niyyətində deyil.