"Araz-Naxçıvan"ın baş məşqçisi Yuri Maksimov Misli Premyer Liqasının 7-ci turunda "Kəpəz"ə uduzduqları oyun (0:2) haqda danışıb.

Futbolmedia.az xəbər verir ki, mütəxəssis matçdan sonra mətbuat konfransında məğlubiyyəti belə dəyərləndirib:

"Oyuna yaxşı hazirlaşmışdıq. İstəyirdik qələbə qazanaq və turnir cədvəlindəki mövqeyimizi yaxşılaşdıraq. Təəssüf ki, yenə öz səhvlərimizdən qollar buraxdıq. Halbuki hesabı bərabərləşdirmək, hətta qələbə qolunu vurmaq üçün imkanlarımız oldu".

O, 8-ci turda "Sumqayıt"a qarşı keçirəcəkləri görüşə də toxunub: "Qarşıda "Sumqayıt"la oyunumuz var. Hücum fazasında bir qədər dəqiq oynamalı, müdafiədə səhvlərimizi azaltmalıyıq".