"Hal-hazırda turnir cədvəlinin 1-ci pilləsində olmağımız bizi aldatmasın. Biz yaxşı başa düşürük ki, bir balaca büdrəsək, xal itirsək əlimizdən liderlik çıxa bilər. İndi liderliyin olması o, qədər də,əhəmiyyət kəsb etmir. Çünki qarşıda çox böyük bir marafon var. Hələ çox oyunlarımız olacaq."

Bu sözləri, Futbolmedia.az saytına açıqlamasında "Neftçi" klubunun yarımmüdafiəçisi Emin Səfərov deyib. "Sabah"la qarşıdakı çox vacib və liderlik oyununa da, toxunan futbolçu bunları deyib.


" "Sabah" çox güclü rəqibdir. Onların gücü hər kəsə yaxşı məlumdur. Həm çempion, həm ölkə kubokunu qazandılar. Eyni zamanda Çempionlar Liqasında top klublarla mübarizə aprırlar. Bu rəqibin gücündən xəbər verir. Lakin biz də, meydana məğlub olmaq üçün çıxmırıq. Əlimizdən gələni edəcəyik ki, bu oyundan xalla ayrılaq."