"Qarabağ" Avropa Liqasının pley-off mərhələsində iki oyunun cəmində "Braqa"nı üstələyərək (4:2, 2:3) 1/8 finala adlayıb.

Bakıda keçirilən dramatik cavab görüşündə Ağdam təmsilçisini 1/8 finala aparan qolu Nəriman Axundzadə vurub.

19 yaşlı hücumçu səfərdəki ilk görüşdə qol şansından yararlana bilməmişdi və buna görə də ağlamışdı. Bu dəfə isə o, 120+2-ci dəqiqədə qapını dəqiq nişan alıb. Final fitindən sonra Nəriman Axundzadə sevincini baş məşqçisi Qurban Qurbanovla bölüşüb. Portuqaliyadakı ilk səfər oyununda qol şansını qaçırsa da, Bakıdakı oyunda doğma azarkeşlər önündə fantastik və tarixi qola imza atmağı bacardı. Nəriman vurduğu bu "Qarabağ"ı növbəti mərhələyə daşıyacaq tarixi qolla tənqidlərə tutarlı cavab verdi. Bir tanınmış və tənqidçi jurnalist, yazar olaraq şəxsən mən Nərimanı hər zaman dəstəkləmişəm. Çünki bu gənc futbolçunun potensialı möhtəşəm gələcək vəd edir. Nərimanın hələ daha böyük uğurları qarşıdadır. Hər kəs yaxşı anlamalıdır ki, futbolçu da, hücumçu da, insandır. Onlar da səhv edə bilər. Hücumçular da, hər real qol epizodunu qola çevirə bilməzlər. Dünya şöhrətli ulduzalr olan Ronaldo, Messi və sair futbolçular da, hər real epizodu qola çevirməyə qadir deyillər. Həmin ulduzların da, kifayyət qədər səhvləri, uğursuz və qolsuz oyunları olur. Nəriman Axunzadə Azərbaycan futbolunun ən güclü, potensialı yüksək olan, yaxşı gələcək vədd edən futbolçularındandır. Bəlkə də elə birincilərdəndir. İnanıram ki, qısa zamanda Nərimanı daha böyük, daha tanınmış xarici klubların birində görə biləcəyik. Bəlkə də, xarici klublarda dünya futbolunun ulduzları ilə bir yerdə, bir çempionatda top qovacaq. Futbol matçalarında üz -üzə gələcək. Nəriman Axunzadə Azərbaycan futbolu, milli komandamız üçün bir dəyərdir. Onu qorumaq, dəstəkləmək mütləq və vacibdir. Eləcə də, Musa Qurbanlını da, unutmaq olmaz. Musa və Nəriman Azərbaycan futbolunun son illərin ən yaxşı hücumçularındandır. B futbolçuların "Qarabağ"da tandemi daha möhtəşəm və daha mükəmməl alınır. Musa və Nəriman eyni vaxtda oynayan zaman bir -birlərini daha yaxşı anlayır. Bir çox oyunlarda da, bir -birinə verdikləri real qol ötürmələri,vurduqları qollar buna sübutdur. Mən Azərbaycanlı futbolçuları, məşqçiləri hər zaman dəstəkləmişəm. Mətbuatdakı həmkarlarımı da, Nəriman Axundzadə, Musa Qurbanlı kimi gənc, güclü potensiallı futbolçularımıza dəstk durmağa çağırıram. Bu futbolçular, yerli oyunçularımız futbolumuzun gələcəyidir. Əgər futbolumuzun, və yerli futbolçularımzın uğurlarını istəyiriksə, dətək olmalıyıq.