“Sabah”ın UEFA Çempionlar Liqasında rəqiblərindən olan “Barselona”nın “Mançester Siti”nin hücumçusu Erlinq Halandı transfer etmək planı qüvvədə qalır.

Futbolmedia.az xarici KİV-ə istinadən xəbər verir ki, Kataloniya klubu 2027-ci ildə norveçli futbolçu üçün böyük təklif irəli sürməyi planlaşdırır.

Halandın “Mançester Siti” ilə müqaviləsinin müddəti 2034-cü ilin iyun ayının sonuna qədər qüvvədədir. 26 yaşlı forvard bu mövsüm Premyer Liqada 4 oyunda 4 qol vurub. “Transfermarkt” onun bazar dəyərini 220 milyon avro qiymətləndirir.