“Mançester Siti” yaxın aylarda hücumçu Erlinq Halandla müqavilənin uzadılması ilə bağlı danışıqlara başlamağı planlaşdırır.

Futbolmedia.az “Daily Mail” nəşrinə istinadən xəbər verir ki, “şəhərlilər” futbolçu ilə müqaviləni ən azı 2028-ci ilə qədər uzatmaq imkanını nəzərdən keçirir.

23 yaşlı futbolçunun klubla hazırkı müqaviləsi 2027-ci ilin iyun ayına qədər nəzərdə tutulub.

“Mançester Siti” norveçli forvarda həftədə 462 min avro maaş artımı təklif edə bilər.

Haland bu mövsüm “Mançester Siti”nin heyətində bütün turnirlərdə 11 oyuna çıxıb, 8 qol vurub və 2 məhsuldar ötürmə edib.