Pol Poqba klubu “Mançester Yunayted”lə gələn ilin yayında başa çatacaq müqaviləsinin müddətini uzatmaq istəyir.

Futbolmedia.az “L’Equipe” nəşrinə istinadən xəbər verir ki, fransalı yarımmüdafiəçi bir şərtlə komandada qalacağını bildirib. O, klubdan həftəsinə 585 min avro tələb edir ki, bu da ən yüksək maaş sayılır. Əgər tələb yerinə yetirilərsə, Poqba Kriştiano Ronaldonu da qabaqlamaqla “qırmızı şeytanlar”ın ən çox qazanan oyunçusu olacaq.

Hazırda onun gəliri göstərilən məbləğdən iki dəfə azdır. Tərəflər maddi məsələlərdə razılığa gəlməyəcəyi təqdirsə isə Pol 2022-ci ilin yavrarın 1-dən digər klublarla danışıqlar aparmaq hüququna malikdir.