“Qəbələ” heyətini yeni futbolçu ilə gücləndirib.

Futbolmedia.az xəbər verir ki, bu haqda klubun mətbuat xidməti məlumat yayıb. Bölgə təmsilçisi təcrübəli yarımmüdafiəçi Elvin Camalovu sıralarına qatıb. 31 yaşlı futbolçu ilə 2 illik müqavilə imzalanıb.

Camalov “Qəbələ” Akademiyasının yetirməsidir. O, 2012-ci ildən 2019-cu ilə qədər bu klubun formasını geyinb. Futbolçu əvvəlcə U-19 komandasında, daha sonra əvəzedicilərdə oynayıb. Elvin 2013-2019-cu illərdə isə “Qəbələ”nin əsas komandasında çıxış edib.

Camalov “Qəbələ”nin əsas heyətində 132 oyuna çıxıb. O, daha sonra “Zirə”, “Sabah” və “Neftçi”də çıxış edib.

Yarımmüdafiəçinin son klubu da “Neftçi” olub.