“Qəbələ” daha bir transferini gerçəkləşdirib.

Futbolmedia.az klubun rəsmi saytına istinadən xəbər verir ki, Elşad Tağıyevlə heyətə cəlb edilib.

“Qəbələ” akademiyasının yetirməsi olan 23 yaşlı hücumçu ilə 1+1 illik müqavilə imzalanıb. Futbolçu daha öncə “Turan Tovuz” və “Səbail”in əsas komandalarında çıxış edib. “Neftçi”nin əvəzedici heyətində də forma geyinən Elşadın son komandası “Şamaxı” olub.

Bu gün nigeriyalı yarımmüdafiəçi Oçe Oçeveçinin də transferini açıqlayan "Qəbələ" daha əvvəl Abdullahi Şuaybu, Samir Həsənov, Ruslan Voronsov, Lauren Mendi, Domi Jaures, Elvin Yunuszadə, Səlahət Ağayev, Urfan İsmayılov və Vüqar Həsənovu da heyətinə cəlb edib.