FFA İntizam Komitəsinin iclası keçirilib.

Futbolmedia.az xəbər verir ki, iclasda II Liqanın XV turunun oyunları ilə bağlı aşağıdakı qərarlar qəbul olunub:

05.03.2025-ci il tarixində II Liqada XV turun “Kür-Araz” – “Şəfa” görüşünün 69-cu dəqiqəsində “Kür-Araz” komandasının 22 nömrəli futbolçusu Mirabbas Mirbabayev ikinci sarıdan qırmızı vərəqə aldığı üçün 1 oyun cəzalandırılsın, “Kür-Araz” komandası 50 manat cərimə edilsin (maddə 36.5);

05.03.2025-ci il tarixində II Liqada XV turun “Kür-Araz” – “Şəfa” görüşü Təcili Tibbi Yardım avtomobilinin gec gəlməsi səbəbindən gec başladığına görə “Kür-Araz” komandası 100 manat cərimə edilsin (maddə 72.4);

05.03.2025-ci il tarixində II Liqada XV turun “Dinamo” – “Qusar” oyununda “Dinamo” komandasının 5 futbolçusu sarı vərəqə aldığına görə “Dinamo” komandası 70 manat cərimə edilsin (maddə 37);

05.03.2025-ci il tarixində II Liqada XV turun “Dinamo” – “Qusar” oyununda “Qusar” komandasının 5 futbolçusu sarı vərəqə aldığına görə “Qusar” komandası 70 manat cərimə edilsin (maddə 37);

06.03.2025-ci il tarixində II Liqada XV turun “Lerik” – “Hypers Guba” oyununun 80-ci dəqiqəsində “Lerik” komandasının 42 nömrəli futbolçusu Valid Yusubzadə rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalandırılsın, “Lerik” komandası 100 manat cərimə edilsin (maddə 41);

06.03.2025-ci il tarixində II Liqada XV turun “Lerik” – “Hypers Guba” görüşündə oyun günü planı pozulduğuna görə “Lerik” komandası 100 manat cərimə edilsin (maddə 77.1);

06.03.2025-ci il tarixində II Liqada XV turun “Şimal” – “Şahdağ Qusar” oyununda “Şimal” komandasının 4 futbolçusu sarı vərəqə aldığına görə “Şimal” komandası 70 manat cərimə edilsin (maddə 37);