“Lion”un hücumçusu Malik Fofana karyerasını İtaliya çempionatında davam etdirə bilər.

Futbolmedia.az xarici KİV-ə istinadən xəbər verir ki, 20 yaşlı futbolçu ilə “Roma” maraqlanır. Fofana ilə paytaxt klubu arasında şəxsi müqavilənin şərtləri artıq ötən həftə razılaşdırılıb. Transferin reallaşması üçün “Roma” “Lion”la maliyyə məsələsində razılığa gəlməlidir. Fransa klubunun rəhbərliyi belçikalı futbolçunun satışından 35 milyon avrodan çox gəlir əldə etmək istəyir.

Fofana ötən mövsüm Fransa çempionatında 12 oyunda meydana çıxıb, 2 qol vurub və 3 məhsuldar ötürmə verib. Onun “Lion”la müqaviləsinin müddəti 2028-ci ilin yayına qədərdir.