“Roma”nın hücumçusu Artem Dovbik mövsümün sonunadək icarə əsasında “Bolonya”ya keçib.

Futbolmedia.az xəbər verir ki, məlumatı paytaxt klubunun mətbuat xidməti yayıb.

29 yaşlı forvard 2024-cü ilin yayında “Jirona”dan 30,5 milyon avro qarşılığında “Roma”ya transfer olunmuşdu. Onun “canavarlar”la müqaviləsinin müddəti 2029-cu il iyunun 30-na qədərdir.

Dovbik ötən mövsüm bütün turnirlərdə 18 oyunda meydana çıxıb, 3 qol vurub və 2 məhsuldar ötürmə verib.

“Transfermarkt” portalı ukraynalı hücumçunun dəyərini 15 milyon avro olaraq qiymətləndirir.

“Bolonya” yeni mövsümdə ilk oyununu avqustun 24-də “Latsio”ya qarşı keçirəcək.