“Milan”ın yarımmüdafiəçisi Yussuf Fofana İngiltərə Premyer Liqasına yollana bilər.

Futbolmedia.az “La Gazzetta dello Sport”-a istinadən xəbər verir ki, 27 yaşlı futbolçu ilə Premyer Liqanın üç klubu – “Nottingem Forest”, “Kristal Pelas” və “Aston Villa” maraqlanır. Hazırda hər üç klubla danışıqlar aparılır.

“Milan” bu yay Fofana üçün 13 milyon avroluq təklif gəldiyi halda onun transferinə razılıq verməyə hazırdır.

Fransalı yarımmüdafiəçi ötən mövsüm bütün turnirlərdə 36 oyunda meydana çıxıb, 2 qol vurub və 4 məhsuldar ötürmə verib. Fofananın “Milan”la müqaviləsinin müddəti 2028-ci ilin yayına qədərdir.