“Barselona” yarımmüdafiəçisi Mark Bernala güvənməkdə davam edir.

Futbolmedia.az “Sport”-a istinadən xəbər verir ki, Kataloniya klubu Rodrinin mümkün transferindən sonra belə, 19 yaşlı futbolçu ilə yollarını ayırmaq niyyətində deyil. Klubun idman direktoru Deku yaxınlarda yarımmüdafiəçinin agentləri ilə görüşüb və Bernala “Barselona”nın layihəsinin vacib hissəsi olduğunu açıq şəkildə bildirib. Kataloniya təmsilçisi həm hazırda, həm də uzunmüddətli perspektivdə Bernala güvənir.

“Barselona” sentyabrda ispaniyalı futbolçu ilə yeni müqavilə üzrə danışıqlara başlamağı planlaşdırır. Yeni sözləşməyə əsasən, oyunçunun maaşı əhəmiyyətli dərəcədə artırılacaq və müqavilənin müddəti 2031-ci ilin yayına qədər olacaq.

Rodrinin “Barselona”ya keçidi hələ rəsmiləşməyib. Ancaq Kataloniya klubunun yaxın zamanda “Mançester Siti” ilə razılığa gələcəyi gözlənilir.