“Barselona” Frenki de Yonqla müqavilə müddətini artıracaq.

Futbolmedia.az "El Mundo Deportivo"ya istinadən xəbər verir ki, Kataloniya təmsilçisi niderlandlı ilə razılıq əldə edib. Yaxın günlərdə müqavilənin rəsmi olaraq imzalanacağı gözlənilir.

Gələn ilin yayında başa çatacaq müqavilənin daha 3 mövsüm artırılacağı bildirilir. Klub həmçinin 28 yaşlı yarımmüdafiəçinin maaşında da artım edəcək. De Yonq 2019-cu ilin yayında “Ayaks”dan “Barselona”ya keçib.

O, İspaniya klubunun heyətində bütün turnirlərdə 263 oyun keçirib, 19 qol vurub və 23 məhsuldar ötürmə verib.