“Mançester Yunayted” “Milan”ın hücumçusu Rafael Leaonu transfer etmək üçün hərəkətə keçib.

Futbolmedia.az xarici KİV-ə istinadən xəbər verir ki, “qırmızı şeytanlar” portuqaliyalı futbolçunun mümkün transferi ilə bağlı “Milan”dan rəsmi məlumat istəyib.

Bildirilir ki, Leao artıq “Milan”ın gələcək planlarında əsas fiqur hesab edilmir və yay transfer dövründə satıla bilər. Futbolçunun özü də İtaliya klubundan ayrılmağa müsbət yanaşır.

Daha əvvəl 27 yaşlı vingerlə “Fənərbaxça” və “Qalatasaray”ın da maraqlandığı bildirilirdi. Leao isə karyerasını İngiltərə Premyer Liqasında davam etdirməyə üstünlük verir.

“Milan”ın Leao üçün təxminən 50-60 milyon avro təzminat tələb etdiyi bildirilir.