“Milan”ın hücumçusu Rafael Leao “Barselona”nın rənglərini təmsil etməkdən məmnun olardı.

Futbolmedia.az “Diario Sport”-a istinadən xəbər verir ki, portuqaliyalı futbolçunun adı çoxdan Kataloniya klubu ilə əlaqələndirilir. O, özü də “Barselona”da oynamaq istəyir.

“Milan” 80-90 milyon avroluq təklif alacağı təqdirdə, 25 yaşlı forvardı satmağı düşünəcək. Onun hazırkı klubu ilə müqaviləsi 2028-ci ilə qədərdir.

Leao bu mövsüm “Milan”ın heyətində keçirdiyi 14 oyunda 3 qol vurub və 5 məhsuldar ötürmə edib.