Azərbaycan futbolunda bir çox istedadlı futbolçular yetişib. Lakin bu gün söz açdığımız, haqqında yazacağımız gənc futbolçumuz Musa Qurbanlı və onun qazandığı nailiyyətlər olacaq. Musa Qurbanlı hələ gənc olan zaman "Qarabağ"ın heyətində öz oyunu ilə yaxşı mənada çox diqqət çəkirdi. "Qarabağ"ın baş məşqçisi Qurban Qurbanovun oğlu bu istedadın atasından keçdiyi məlum məsələdir. İndi gələk gənc futbolçumuzun karyeryası ərzindəki yol cığırına. Gənc yaşlarda “Qarabağ”ın forması ilə çempionluqlar, nailiyyətlər və uğurlar qazanmaq hər futbolçunun bacardığı iş və nailiyyətlr deyil. 12 oktyabr 2021-ci ildə seçmə mərhələ çərçivəsində Xorvatiyalı həmyaşıdları ilə keçirilən matçda, U21 millisində ilk rəsmi qolunu vurdu. Gənc forvard bir rekordu yeniləyib, digərinə şərik çıxıb. Musa Premyer Liqanın PFL-in bayrağı altında keçirilməyə başladığı 2008-ci ildən sonra bir mövsümdə ən çox qol vuran azərbaycanlı futbolçu olub. O, 2020/21 mövsümündə 19 qol vuran Namik Ələskərovun göstəricisini arxada qoyub. Yerli statusa malik futbolçunun ən azı 20 qol vurmasına sonuncu dəfə 2006/07 mövsümündə təsadüf olunub. Həmin vaxt “Xəzər Lənkəran”ın hücumçusu Zaur Ramazanov 20 dəfə fərqlənib. Ümumən götürdükdə avrokuboklar yarışında Musa azərbaycanlı futbolçular arasında oyunu, vurduğu qollar, keçirdiyi matçlara əsasən liderlər sırasındadır.

Bu futbolçunun potensialı azərbaycan gerçəkliyini aşır. Bəli. İsveçin “Yurqorden” klubunda da, forma geyinən gənc ulduzumuzun potensialı daha böyük klublarda çıxış etməyə yetir. M. Qurbanlı həm azərbaycan premyer liqasında, həm ölkə kubokunda, həm avrokuboklarda göstərdiyi möhtəşəm göstəriciyə malikdir. Onun bombardirlər siyahısında dəfələrlə yer alması, komandasının həm daxili çempionat, kubok, həm də, avrokuboklarda vurduğu vacib qollar, etdiyi qol ötürmələri onun xüsusi bir istedada malik futbolçu olmasına dəlalət edir. Şəxsən mən bir tənqidçi və araşdırmaçı jurnalist olaraq Musanın oyun üslubunu dünya futbolunda iki ulduza bənzədirəm. Biri Kristiano Ronaldo, digəri isə Erlinq Hallanddır. Musa da, K. Ronaldo kimi bu səviyyəyə öz zəhməti, əziyyəti, çalışqanlığı ilə gəlib. Daima öz üzərində çalışıaraq potensialını yüksəkdə tutmağı bacarıb. Ronaldo və Halland kimi çevik, sürətli, istənilən mövqedən qol vurmaq potensialına malikdir. Həmçinin başla mükəmməl qollar vurur. Və bunu da, dəfələrlə bacarıb.


Musa Azərbaycan futbolunun gəlib keçmiş ən istedadlı futbolçularından biri adlandırardım. Şəxsi fikrim və araşrırmama görə, Musa hazırda İspaniya La Liqası, İngiltərə premyer liqası kimi sürətli hücum oynayan çempionatlarda rəqabət aparacaq gücdədir. Hərdən biz öz yerli istedadlarımızı bəzi uğursuz oyunlarda sərt tənqid edirik. Lakin unutmaq olmaz ki, dünyanın ən güclü ulduz futbolçularının belə uğursuz və qolsuz oyunları az olmayıb. Musa Qurbanlı, Nəriman Axunzadə, Mahir Əmreli Elvin Cəfərquliyev və sair yerli futbolçularımız bizimdir. Və Azərbaycan futbolunun gələcəyi və ümüdüdür. Gəlin öz yerli istedadlarımızın qədrini bilək. Və onlara çətin zamanlarında belə yersiz və sərt tənqid etmək deyil, dəstək olaq.


Əli HƏYATİ yazının müəllifi və fotosu