“Napoli” baş məşqçi Antonio Konte ilə vidalaşıb.

Futbolmedia.az xəbər verir ki, klubun sosial media kanallarında məşqçinin gülümsəyən fotosu və “Təşəkkür edirik, cənab” başlığı ilə paylaşım edilib.

“La Gazzetta dello Sport” qəzetinin yaydığı məlumata görə, Konte komandadan ayrılmaq qərarını təkbaşına verdiyini təsdiqləyib. O, komandada birlik qura bilmədiyini və klubu əhatə edən “zəhərli atmosfer”dən bezdiyini bildirib. Buna baxmayaraq, komanda bu mövsüm A Seriyasında ikinci yeri tutmağı bacarıb. Bir il əvvəl Konte komandanı çempion etmişdi.

“Napoli” tezliklə yeni baş məşqçinin adını açıqlayacaq. Əsas namizəd Vinçenzo İtalianodur (“Bolonya”). Massimiliano Alleqri və Andoni İraolanın da namizədliyi nəzərdən keçirilir.