“Napoli”nin rəhbərliyi Antonio Konteni baş məşqçi postuna əsas namizəd hesab edir.

Futbolmedia.az “Sky Sport İtalia”-ya istinadən xəbər verir ki, rəhbərlik hələ Rudi Qarsiyanı istefaya göndərməyib, lakin bu istefa yaxın günlərdə baş tuta bilər.

Neapollular hazırda A Seriyasında 5-ci pillədədir.

Bu ay Kontenin “Napoli”yə baş məşqçi təyin ediləcəyi gözlənilir. Artıq tərəflər arasında ilkin danışıq olub.

54 yaşlı mütəxəssis “Bari”, “Atalanta”, “Siena”, “Yuventus”, “Çelsi”, “İnter”lə yanaşı, İtaliya millisini də çalışdırıb.