“Qalatasaray” “Real”ın yarımmüdafiəçisi Eduardo Kamavinqa ilə maraqlanır.

Futbolmedia.az Türkiyə mətbuatına istinadən xəbər verir ki, İstanbul təmsilçisi fransalı futbolçunun müqavilə şərtləri barədə ilkin sorğu göndərib. Ancaq hələlik rəsmi transfer təklifi edilməyib. Klub sadəcə məlumat toplayır.

Bildirilir ki, Kamavinqanın Fransa millisinin 2026-cı il dünya çempionatı üçün heyətinə düşməməsi onun Madrid klubundakı gələcəyi ilə bağlı sualları artırıb. Həmçinin, futbolçuya Dortmund “Borussiya”sı tərəfindən də maraq olduğu iddia edilir.

Mediada yer alan başqa xəbərlərə görə, “Real”ın baş məşqçi postuna mümkün təyinatı gözlənilən Joze Mourinyo Kamavinqaya tam güvənmir və onun komandadakı rolunu azalda bilər.

Mourinyo hazırda “Benfika”nı çalışdırır.