“Real”da baş məşqçi postu ilə bağlı ciddi planlar hazırlanır. Madrid klubu bu posta axtarışında əsas namizədləri müəyyənləşdirib.

Futbolmedia.az “El Chiringuito”-ya istinadən xəbər verir ki, “kral klubu”nun rəhbərliyi hazırda iki əsas variantı ön plana çıxarıb: Joze Mourinyo və Yurgen Klopp.

Mourinyo hazırda Lissabon “Benfika”sını çalışdırır, Klopp isə “Liverpul”dan ayrıldıqdan sonra hansısa komandanın “sükanı arxasına” keçməyib. Bundan əlavə, mümkün namizədlər sırasında Didye Deşam da var. O, baş məşqçisi olduğu Fransa millisini yayda keçiriləcək dünya çempionatından sonra tərk edəcək.

“Real” hələlik heç bir namizədlə rəsmi danışıqlara başlamayıb. Son qərarı klub prezidenti Florentino Peresin verəcəyi bildirilir.

Alvaro Arbeloanın rəhbərliyi altında komanda hazırda La Liqada turnir cədvəlinin 2-ci pilləsində qərarlaşıb. 33 turdan sonra 74 xal toplayan Madrid təmsilçisi lider “Barselona”dan 11 xal geri qalır.