“Fənərbaxça”nın baş məşqçisi İsmail Kartal UEFA Çempionlar Liqasının Liqa mərhələsinin 3-cü turunda “Slaviya” ilə keçirilən oyundan (2:2) sonra fikirlərini bölüşüb.

Futbolmedia.az Türkiyə mətbuatına istinadən xəbər verir ki, mütəxəssis komandasının çıxışını dəyərləndirib. O, futbolçularının mübarizəsindən razı qaldığını, lakin son dəqiqələrdə qapılarında qol görmələrinin məyusluq yaratdığını bildirib:

“Matça çox yaxşı başladıq. 2:0 hesabı ilə önə keçdik və daha fərqli hesabla qalib gələ bilərdik. Çempionlar iqası səviyyəsində çox yaxşı mübarizə apardıq. Bu baxımdan futbolçularımı təbrik edirəm.

Son dəqiqədə qol buraxdıq. Buna görə çox məyusuq, amma futbol belədir. Oyunçular əllərindən gələni etdilər. İstənilən komandaya çətin anlar yaşada biləcək gücdəyik. Çox yaxşı mübarizə apardıq, bəzi məqamlarda yaxşı oynadıq. Son dəqiqədə buraxdığımız qoldan sonra azarkeşlərimizi sevindirə bilmədiyimizə görə kədərliyik”.