Fransa millisinin çalışdırıcısı Didye Deşam “Real”ın baş məşqçi postu üçün nəzərdən keçirilən namizədlərdən biridir.

Futbolmedia.az xarici KİV-ə istinadən xəbər verir ki, Madrid təmsilçisinin rəhbərliyi fransalı mütəxəssisin peşəkar səviyyəsini yüksək qiymətləndirir. Həmçinin, “Real”ın heyətində çıxış edən fransalı futbolçular da onun namizədliyinə müsbət yanaşır.

Ancaq mümkün təyinatın qarşısında əsas maneə kimi yayda keçiriləcək dünya çempionatı göstərilir. Klub rəhbərliyi yeni baş məşqçinin turnirdən əvvəl müəyyənləşdirilməsini istəyir.

Deşam 2012-ci ildən Fransa millisini çalışdırır. Komanda onun rəhbərliyi altında 2018-ci ildə dünya çempionu olub, həmçinin, 2021-ci ildə UEFA Millətlər Liqasını qazanıb.

“Real” hazırkı baş məşqçisi Alvaro Arbeloa ilə mövsümün sonunda yollarını ayırmağı düşünür.