"Əl-Sədd"in baş məşqçisi Xavinin "Barselona"ya təyinatı ilə bağlı məsələ həll olunub.

Futbolmedia.az "Diario Sport"a istinadən xəbər verir ki, 41 yaşlı mütəxəssis Qətər təmsilçisinin rəhbərliyi ilə görüşüb və ayrılmağa razılaşıb. Rəhbərlər ondan Qətər çempionatının iki matçında komandaya rəhbərlik etməyi istəyiblər. Buna görə də noyabrın 4-nə qədər rəsmi açıqlama verilməyəcək.

Bildirilib ki, Xavi "Əl-Sədd"lə şifahi razılıq əldə edib ki, " Barselona"ya bir milyon avro təzminat ödəmədən gedəcək. Beləliklə, Kataloniya təmsilçisinə transfer pulsuz olacaq.

Cümə günü Xavinin həmçinin "Əl-Sədd"in futbolçularını gedişi barədə məlumatlandırdığı vurğulanıb.

Xatırladaq ki, “Barselona” oktyabrın 28-i Ronald Kumanı istefaya göndərib. Komandanı müvəqqəti olaraq Serxi Barxuanın çalışdıracağı bildirilib.