“Atletiko”nun baş məşqçisi Dieqo Simeone UEFA Çempionlar Liqasının cari mövsümündəki oyunlarına görə futbolçularını tərifləyib.

Futbolmedia.az xarici KİV-ə istinadən xəbər verir ki, o, komandasının performansından razı qaldığını bildirib:

“1/4 finalda “Barselona”ya, yarımfinalda isə “Arsenal”a qarşı yaxşı mübarizə apardıq. Komandamız fantastik oyun nümayiş etdirdi, bu, bütün oyunçuların zəhmətinin nəticəsidir. Antuan Qrizmann çox yaxşı, Koke inanılmaz, əsl usta, lider idi. Ümid edirəm ki, azarkeşlər son oyunlardakı səylərimizi qiymətləndiriblər. Burada olduğum üçün qürur duyuram”.

Madrid klubu turnirdəki çıxışını yarımfinalda “Arsenal”a 0:1 hesabıyla uduzaraq başa vurub. İlk oyun isə 1:1 hesablı heç-heçə ilə başa çatıb.

İkinci yarımfinal oyunu bu gün “Bayern” və PSJ arasında baş tutacaq.