"Oyundan əvvəl desəydilər ki, 0:3 hesabı ilə məğlub olacağıq, buna inanmazdım. Birinci hissədə oyunumuz alınırdı. Qol şanslarımız oldu, amma yararlana bilmədik. İkinci hissədə də yaxşı imkanlarımız oldu. Futbolda qızıl qayda var, qol vurmasan, sənə qol vuracaqlar".

Futbolmedia.az xəbər verir ki, bu sözləri "Araz-Naxçıvan"ın baş məşqçisi Andrey Demçenko Misli Premyer Liqasının 28-ci turu çərçivsində "Turan Tovuz"a 0:3 hesabı ilə uduzmaqları barədə danışarkən deyib.

O, matçdan sonra təşkil olunan mətbuat konfransında oyunun sonlarında daha çox səhvə yol verdiklərini bildirib: "90 dəqiqə ərzində oyuna köklənməni saxlamaq lazımdır. Oyunun sonlarında bizdə alınmadı və uduzduq. Son saniyəyə kimi döyüşməlisən".

Mütəxəssis məğlubiyyətin səbəbini özündə gördüyünü deyib: "Heç kim demir ki, günahkar futbolçulardır. İlk növbədə baş məşqçi günahkardır. Deməli, mən qalib gəlmək üçün lazım olan işi görməmişəm. Tam şəkildə məsuliyyəti üzərimə götürürəm".

A.Demçenko uduzmaqlarına baxmayaraq, avrokuboka vəsiqə