“Barselona”nın baş məşqçisi Hansi Flik PSJ-yə qarşı keçiriləcək matçın komandası üçün ciddi sınaq olacağını bildirib.

Futbolmedia.az xəbər verir ki, UEFA Çempionlar Liqasının liqa mərhələsinin 3-cü turunun qarşılaşması sabah Parisdəki “Park de Prens” stadionunda baş tutacaq.

“Luis Enrike ardıcıl iki dəfə Çempionlar Liqasının qalibi olub. Onun komandası möhtəşəm futbol nümayiş etdirir. O, əla məşqçidir, dünyanın ən yaxşılarından biridir. Komandasının dinamikası, intensivliyi, pressinqi və heyətdəki rotasiya xoşuma gəlir. Futbolçular tez-tez mövqelərini dəyişirlər. Onlar çox çevik oynayırlar və bu, mənim xoşuma gəlir. Komandanın inkişafı inanılmazdır. Enrike möhtəşəm iş görür.

Bu qarşılaşma nəyə qadir olduğumuzu anlamaq üçün yaxşı sınaq olacaq. İstərdim ki, komandam son oyunlarda olduğu kimi, inamlı, cəsarətli və birlik nümayiş etdirərək oynasın. Biz, bəlkə də, son iki ilin dünyanın ən yaxşı komandasına qarşı mübarizə aparacağıq. Bu, səviyyəmizi göstərmək və hansı istiqamətlərdə inkişaf etməli olduğumuzu müəyyənləşdirmək üçün yaxşı fürsətdir. Matçdan sonra çox şey öyrənəcəyik.