Misli Premyer Liqasının 18-ci turu çərçivəsində "Qarabağ" və "Turan Tovuz" klubları üz-üzə gəlib. Tofiq Bəhramov adına Respublika stadionunda baş tutan qarşılaşmada Ağdam təmsilçisi rəqibinə 1:0 hesabı ilə qalib gəlib.

Futbolmedia.az xəbər verir ki, "Qarabağ"ın baş məşqçisi Qurban Qurbanov matçdan sonra oyun barədə fikirlərini bölüşüb.

Mütəxəssis qarşılaşmanın gərgin keçdiyini vurğulayaraq oyunun ritmini tutmağın çətinliyinə diqqət çəkib və futbolçularının əzmkarlığını yüksək qiymətləndirib:

"Vacib bir qələbə qazandıq. Möhkəm bir komandaya qarşı oynayırdıq. Oyunçularım xarakter göstərdilər. Belə qarşılaşmalarda oyunu ələ almaq elə də asan deyil. Hər bir pauza, hər bir cərimə zərbəsi rəqibin üstünlüyü demək idi. Hər bir halda futbolçularım qalib gəlmək üçün əllərindən gələni etdilər".

Baş məşqçi "Liverpul" səfərindən (6 saatlıq uçuş) sonra yorğunluq olmasına baxmayaraq əsas heyətə güvənməsini çempionatdakı rəqabətlə əlaqələndirib. O, zədə qorxusu olduğunu, lakin oyunçuların xarakter göstərərək qalib gəldiyini vurğulayıb.

Qurban Qurbanov hakim Elçin Məsimovla bağlı iradlarına da aydınlıq gətirib. O, oyunun tez-tez dayanmasının ritmi pozduğunu, lakin fasilədə hakimlə danışaraq anlaşdıqlarını qeyd edib: