FİFA aut və ofsaydları müəyyən etmək üçün yeni texnologiyanı sınaqdan keçirir.

Yeni sistem Qətərdə keçirilən ölkələrarası kubokun üç oyununda test olunub.

Futbolmedia.az xarici KİV-ə istinadən xəbər verir ki, FİFA “real vaxtda 3D-rekonstruksiya” funksiyasının imkanlarını genişləndirib, bu da ofsaydların daha sürətli və dəqiq müəyyən edilməsinə şərait yaradır.

Yeni texnologiyada iki virtual axın istifadə olunacaq: biri video-assistent referiyə, digəri isə televiziya tamaşaçılarına təqdim olunacaq. Bu, oyun zamanı qərarların şəffaflığını və dəqiqliyini artıracaq.