Argentinada Lionel Messinin heykəli vandalların hücumuna məruz qalıb.

Futbolmedia.az xəbər verir ki, Mar del Plata şəhərində ulduz futbolçunun şərəfinə ucaldılan abidə naməlum şəxslər tərəfindən dağıdılıb. Hücum nəticəsində heykəlin iki yerə bölündüyü bildirilir.

DÇ-2022-dəki qələbəyə həsr olunan heykəldə Messi əlində Dünya Kuboku ilə təsvir edilmişdi. Hazırda hadisənin təfərrüatları araşdırılır və heykəlin bərpa olunub-olunmayacağı dəqiqləşdirilir.

Qeyd edək ki, bu, abidəyə qarşı ilk vandalizm aktı deyil. 2024-cü ildə də heykəlin baş hissəsi qoparılmışdı.