Bu gün 2026-cı ildə keçiriləcək futbol üzrə dünya çempionatının Avropa zonası üzrə seçmə mərhələsində növbəti tur başlayıb.

Futbolmedia.az xəbər verir ki, bu gün 4 fərqli qrupda ümumilikdə 8 oyun keçirilib.

Bu oyunlar sırasında Azərbaycan - İslandiya matçı da olub. Millimiz evdə İslandiyaya 0:2 hesabı ilə uduzub.

D qrupunun digər matçında Fransa Ukraynanı darmadağın edib - 4:0. Nəticədə Fransa sona 1 tur qalmış mundialın final mərhələsinə vəsiqəni təmin edib.

İ qrupunda İtaliya Moldovaya, K qrupunda İngiltərə Serbiyaya qalib gəlib. F qrupunda isə Portuqaliya İrlandiyaya uduzub.

Qeyd edək ki, daha əvvəl Misir, Əlcəzair, Qana, Kabo-Verde, Cənubi Afrika, Qətər, İngiltərə, Səudiyyə Ərəbistanı, Kot-d'İvuar, Seneqal, Uruqvay, Kolumbiya, Paraqvay, Mərakeş, Tunis, Yaponiya, Yeni Zelandiya, İran, Argentina, Özbəkistan, Koreya, İordaniya, Avstraliya, Ekvador və Braziliya DÇ-2026-nın final mərhələsində iştirak hüququna yiyələniblər. ABŞ, Kanada və Meksika isə ev sahibləri kimi turnirə birbaşa vəsiqə qazanıblar.

D qrupu

21:00. Azərbaycan - İslandiya - 0:2

Qollar: Qudmundsson, 20, İnqaon, 39

23:45. Fransa - Ukrayna - 4:0

Qollar: Mbappe, 55-pen; 83, Olise, 76, Ekitike, 88