Bu gün Fransanın paytaxtı Parisdə 2024-cü il Yay Olimpiya Oyunları start götürüb.

Futbolmedia.az xəbər verir ki, turnirin rəsmi açılış mərasimi iyulun 26-da olacaq. Lakin bu gün 2 idman növündə yarışlar başlayıb.

Futbol yarışlarında 8 matç keçirilib. Argentina millisi Mərakeşə, Özbəkistan İspaniyaya, Ukrayna İraqa, ABŞ Fransaya, Qvineya Yeni Zellandiyaya uduzub. Yaponiya millisi Paraqvayı darmadağın edib. Misir Dominikan Respublikası ilə, Mali isə İsraillə bərabərə qalıb.

Həmçinin bu gün reqbi üzrə 7 oyun da olub.

Azərbaycan Paris-2024-də sözügedən idman növləri üzrə təmsil olunmur. Ölkəmiz turnirdə 15 idman növü üzrə 48 idmançı ilə təmsil olunacaq. Bu idman növləri akademik avarçəkmə, atıcılıq, 3x3 basketbol, batut gimnastikası, bədii gimnastika, boks, cüdo, güləş, kamandan oxatma, qılıncoynatma, taekvondo, triatlon, üzgüçülük və yüngül atletikadır.

Paris-2024, futbol yarışları

A qrupu

Qvineya - Yeni Zellandiya - 1:2

Fransa - ABŞ - 3:0

Xallar: Fransa - 3, Yeni Zellandiya - 3, Qvineya - 0, ABŞ - 0

B qrupu

Argentina - Mərakeş - 1:2

İraq - Ukrayna - 2:1

Xallar: İraq - 3, Mərakeş - 3, Argentina - 0, Ukrayna - 0

C qrupu

Özbəkistan - İspaniya - 1:2

Misir - Dominikan Respublikası - 0:0

Xallar: İspaniya - 3, Misir - 1, Dominikan Respublikası - 1, Özbəkistan - 0

D qrupu

Yaponiya - Paraqvay - 5:0

Mali - İsrail - 1:1

Xallar: Yaponiya - 3, İsrail - 1, Mali - 1, Paraqvay - 0.