“Yuventus”un yeni baş məşqçisi açıqlanıb.

Futbolmedia.az xəbər verir ki, bu barədə klubun mətbuat xidməti məlumat yayıb. Komandanı Luçano Spaletti çalışdıracaq.

66 yaşlı mütəxəssislə müqavilənin müddəti bu mövsümün sonuna qədər nəzərdə tutulub.

İtaliyalı mütəxəssis bir neçə gün əvvəl istefaya göndərilən İqor Tudoru əvəzləyib.

Qeyd edək ki, Spaletti son olaraq İtaliya millisini çalışdırıb. O, "Empoli", "Udinize" "Roma", "İnter", "Napoli"nin də baş məşqçisi olub.