Misli Premyer Liqasında 8-ci turun matçları davam edir.

Futbolmedia.az xəbər verir ki, ikinci oyun gününə nəzərdə tutulan 2 matçdan 1-i artıq başlayıb.

Əvvəlcə “İmişli” Qubada “Qəbələ”ni sınağa çəkir. 7 oyundan sonra 8 xalı olan İmişli təmsilçisi 9-cu pillədə qərarlaşıb. 4 xalı olan “Qəbələ” isə 11-ci yeri tutur.

Günün ikinci matçında “Sumqayıt” “Karvan-Yevlax”ı sınağa çəkəcək. Son 3 turda cəmi 1 xal toplayan Sumqayıt təmsilçisi hazırda 6-cı pillədə qərarlaşıb. 11 xala malik Saşa İliçin komandası bu matçda qalib gəlsə, turnir cədvəlində ən azı birgünlük üçüncü yerə yüksələcək. Yevlax klubu isə hazırda 5 xalla turnir cədvəlində 10-cudur.

Qeyd edək ki, tura sabah keçiriləcək iki matçla yekun vurulacaq.

18 oktyabr (şənbə)

14:30. “İmişli” - “Qəbələ” - 0:0 (Birinci hissə)
Hakimlər: İnqilab Məmmədov, Namiq Hüseynov, Rahil Ramazanov, Elvin Bayramov
VAR: Tural Qurbanov
AVAR: Şirmamed Mamedov
Quba OİK stadionu

18:00. “Sumqayıt” - “Karvan-Yevlax”
Hakimlər: Rəvan Həmzəzadə, Cəmil Quliyev, Gülnurə Əkbərzadə, Kamran Əliyev
VAR: Əli Əliyev
AVAR: Əliyar Ağayev
Mehdi Hüseynzadə adına Sumqayıt şəhər stadionu

19 oktyabr (bazar)

16:00. “Sabah” - “Zirə”

18:30. “Neftçi” - “Araz-Naxçıvan”