Bu gün Misli Premyer Liqasında 30-cu tura yekun vurulacaq.

Futbolmedia.az xəbər verir ki, son oyun günündə iki matç keçiriləcək.

Günün ilk qarşılaşmasında 9-cu pillədə qərarlaşan “Kəpəz” Tovuzda 3-cü yerdəki “Araz-Naxçıvan”ı sınağa çəkəcək. Gəncə klubu bu matçda qalib gələcəyi halda, turnir cədvəlində “Sumqayıt”ı geridə qoyaraq 8-ci pilləyə yüksələcək. Lakin cari mövsümdə bu komandaların qarşıdurmasının statistikası "Kəpəz"in əleyhinədir. 3 matçdan birində qolsuz bərabərliyə nail olan Gəncə təmsilçisi digər iki oyunda uduzub (0:1, 0:2).

Turun son matçında isə “Neftçi” öz meydanında “Zirə”ni sınağa çəkəcək. “Ağ-qaralar” hazırda 35 xalla 6-cı, Rəşad Sadıqovun komandası isə 55 xalla ikinci pillədə qərarlaşıb. “Neftçi” 3 xal qazana bilsə, turnir cədvəlində “Sabah”ı geridə qoyacaq.
Cari mövsüm bu komandalar arasında 3 görüşdən 1-də “Zirə” (2:0), digər ikisində isə eyni hesabla (2:1) “Neftçi” qalib gəlib.

Misli Premyer Liqası, 30-cu tur

13 aprel

17:00. “Kəpəz” - “Araz-Naxçıvan”
Hakimlər: Kamal Umudlu, Vüsal Məmmədov, Müslüm Əliyev, Əli Əliyev
VAR: İnqilab Məmmədov
AVAR: Namiq Hüseynov
Tovuz şəhər stadionu

19:15. “Neftçi” - “Zirə”
Hakimlər: Rəşad Əhmədov, Zöhrab Abbasov, Teymur Teymurov, Elvin Bayramov
VAR: Nicat İsmayıllı
AVAR: Rahil Ramazanov
“Neftçi Arena”.

11 aprel

“Səbail” - “Qarabağ” - 1:4