"Qarabağ"ın baş məşqçisi Qurban Qurbanov UEFA Çempionlar Liqasında bu gün III təsnifat mərhələsinin cavab görüşündə "Şkendiya"nı 5:1 hesabı ilə qalib gəldikləri oyundan sonra mətbuat konfransı keçirib.

Futbolmedia.az xəbər verir ki, Qurban Qurbanov jurnalistlərin suallarını cavablandırıb.

- Futbolçularımı təbrik edirəm. Çox vacib və yaxşı qalibiyyət əldə etdilər. Azarkeşlərə təşəkkür edirəm. Əsl futbol ab-havası var idi. Get-gedə oyunumuz daha da keyfiyyətli olur, futbolçular bir-birini başa düşür. Normal prosesdir. Daha da artığını etməli və düşünməliyik. Çünki daha keyfiyyətli, bacarıqlı rəqiblər gəlir. Yaxşı oyun oldu. Rəqibə də uğurlar arzulayıram. Baş məşqçisi və futbolçuları özlərini çox intizamlı, alicənəb aparırdılar.

- Matçdan əvvəl bu cür böyükhesablı qələbə gözləyirdiniz?

- Düşünə bilmərəm, amma istəyə bilərəm. Futbol indi o səviyyəyə çatıb ki, istənilən oyunda 3-5 qolluq oyun ola bilər. Bu cür qalibiyyətlər xoş olur. İstəyirdim deyim, amma gözləyirdim deməyim.

- Hikmət Cəbrayılzadə haqda hansı fikirdəsiniz?

- Bir neçə aydır ki, bizimlədir. Aftandil Hacıyev onu bizə təklif etmişdi. Biz də öz akademiyamızdan 3-4 futbolçunu məşqlərə cəlb edirik. Onların potensialına baxırıq, Hikmət gəldiyi gündən ustalığını, qabiliyyətini göstərdi. Yaxşı, fiziki göstəriciləri var. Daha çox çalışmaq lazımdır. Amma ansambla uyğun futbolçu olub. Qarşıdakı matçlarda imkan olduqca, meydana buraxacağıq. Amma inanın ki, onu tam əminliklə komandaya götürmüşəm. Əsas odur ki, özü daha da işgüzar olsun, futbol haqda düşünsün. Hikmət kimi digər oyunçulara da şans yaradacağıq.

- Bu matç sizə "Lex"lə matçı xatırlatdı? Ssenari eyni idi sanki...

- Belə oyunlar olur. 2-3 ildən bir, belə matçlar olur. Qol buraxdıqdan sonra qalib gəlmək futbolda vacib elementdir. Belə olanda, futbolçu özünə daha çox inanır. Əgər sona kimi oyun intizamını qoruyub-saxlasaq qələbə əldə edərik.

- Sami Mmaenin oyununu necə şərh edərdiniz?

- Onun oyununu hansısa fikir söyləməyə ehtiyac yoxdur. Futbol qabiliyyəti və intelekti cəlbedicidir. Ötürmələri, oyunu idarə etməsi bu kimi şeylər bizi daha çox cəlb edib. Oyuna çıxandan sonra lazımı anda oyunu sakitləşdirə bilirdi, pressinqdən çıxmaq qabiliyyəti var idi. Razı qaldım. İdman formasından uzaq olsa da, məşqlərdə daha çox çalışır və istəklidir.

- Marko Yankoviçin start heyətinə dönməsi, Kadi Borgesin adət etdiyimiz mövqeyinə qayıtması barədə fikriniz nədir?

- Futbolçuların sağlam olması önəmlidir. Fərqi yoxdur futb