“Ayaks” heyətini yeni futbolçu ilə gücləndirib.

Futbolmedia.az klubun saytına istinadən xəbər verir ki, Amsterdam klubu “Zalsburq”dan Oskar Qluxu heyətinə qatıb.

İsrail millisinin üzvü ilə 5 illik müqavilə imzalanıb. Keçid “Ayaks”a 14,75 milyon avroya başa gəlib. Qlux yeni klubunda 10 nömrəli formanı geyəcək.

21 yaşlı futbolçu “Zalsburq”un heyətində 101 matçda 23 qol vurub, 29 dəfə məhsuldar ötürmə müəllifi olub.