“Bayer” heyətini yeni hücumçu ilə gücləndirib.

Futbolmedia.az xarici KİV-ə istinadən xəbər verir ki, Leverkuzen təmsilçisi “Renn”in hücumçusu Marten Teryeni heyətinə qatıb.

Fransız futbolçu ilə 5 illik müqavilə imzalanıb. Terye yeni klubunda 11 nömrəli formanı geyəcək.

Qeyd edək ki, 27 yaşlı forvard karyerası ərzində ilk dəfə legioner həyatı yaşayacaq. Buna qədər o, vətənində “Lill”, “Strasburq”, “Lion” və “Renn”də forma geyib. Terye son mövsüm Fransa çempionatında 24 matçda 7 qol vurub, 3 dəfə məhsuldar ötürmə müəllifi olub.