Almaniya 2-ci bundesliqa təmsilçisi “Kayzerslaytern” Azərbaycan millisinin hücumçusu Mahir Emrelinin transferini rəsmən açıqlayıb.

Futbolmedia.az xəbər verir ki, bu barədə klubun saytı məlumat yayıb. O, azad agent kimi - təzminat ödənilmədən heyətə cəlb olunub.

“Emrelinin timsalında “Qırmızı şeytanlar”ın heyətinə artıq beynəlxalq arenada təcrübə qazanmış bir futbolçu qoşulur” - deyə məlumatda bildirilir.

Klubun idman direktoru Marsel Klos transfer haqqında bunları bildirib:

“Biz çox şadıq ki, Mahiri digər təkliflərə baxmayaraq, “Kayzerslautern”ə keçməyə inandıra bildik. O, əvvəlki klublarında, xüsusilə də keçən mövsüm “Nürnberq”də özünün qol təhlükəliliyini sübut etdi. Sürəti, daim hərəkətdə olması, zərbə qabiliyyəti və hücum xəttində müxtəlif mövqelərdə oynamaq bacarığı ilə komandamızın hücum potensialını artıracaq keyfiyyətlərə malikdir. Təcrübəsi sayəsində biz əminik ki, Mahir yalnız meydanda yox, həm də meydandan kənarda mühüm rol oynaya bilər. O, bizimlə bu yolu getmək üçün motivasiyalıdır və bu da bizi sevindirir”.