Polşa çempionu "Legiya"ya keçidi gözlənilən "Qarabağ"ın və Azərbaycan millisinin hücumçusu Mahir Emrelinin adı yenidən "Beşiktaş" ətrafında hallandılır. Futbolmedia.Az Türkiyə mətbuatına istinadən xəbər verir ki, bu ölkənin Super Liqasının son qalibi 24 yaşlı forvardının keçidində maraqlıdı.

Keçən mövsüm eyni zamanda Türkiyə Kubokunun qalibi olan İstanbul təmsilçisi Mahiri heyətinə qatmağa çalışır. Məlumatda bildirilir ki, komandanın baş məşqçisi Sərgən Yalçının şəxsən özü Emrelini sərəncamında görmək üçün rəhbərliyə müraciət edib.

Futbolçunun qolçuluq bacarığı (keçən mövsüm 32 matçda 22 qol) və avrokubok təcrübəsinin olması 50 yaşlı çalışdırıcının diqqətini çəkib. Məlumdu ki, Emrelinin “Qarabağ”la müqavilə müddəti iyunun 30-da bitir. Bu da türkiyəliləri daha da həvəsləndirir ki, onu sərbəst futbolçu kimi qata bilərək transfer məbləği ödəməsi lazım gəlməyəcək.

Ancaq məlumdi ki, Mahirin “Legiya" yolunda olaraq, onunla böük ölçüdə razılaşıb. Tərəfllərin iyunun ilk 10 günlüyündə "3+1 il" şərtiylə müqavilə imzalayacağı gözlənilir. "Beşiktaş”ın daha cəlbedici təklifi gənc futbolçunun fikrini dəyişdirə bilər. 

Xatırladaq ki, Emrelinin əvvəllər də "Beşiktaş"ın transfer siyahısında olması haqda Türkiyə mətbuatında xəbərlər çıxıb.