İtaliya millisinin yeni baş məşqçisi Cennaro Qattuzo yığmaya təyinatı ilə bağlı danışıb.

Futbolmedia.az xəbər verir ki, mütəxəssis İtaliya millisi ilə dünya çempionatında iştirak etməyi hədəflədiyini deyib:

"Bu, gerçəkləşən arzudur. Asan iş olmayacaq, amma həyatda heç nə asan deyil. Deyəcək çox şey yoxdur, işləmək lazımdır.

İllərdir deyirlər ki, bizdə futbolçu yoxdur. Düşünürəm ki, onların ən yaxşı şəkildə oynamağnı biz təmin etməliyik. Məqsədim İtaliyanı dünya çempionatına qaytarmaqdır.

Yığmanın çətin anlarda birləşməyi, bir yerdə qalmağı üçün ruh yüksəkliyi lazımdır. Hədəfim komandaya sevinc gətirmək, bir ailə qurmaqdır. Sxemlər, taktikalar - bunlar məlum olan məslələrdir. Uzun illər bizi fərqləndirən zehniyyəti geri qaytarmalıyıq”.

Qeyd edək ki, Qattuzo ilə imzalanan müqavilə 2 illikdir.