“Barselona”nın prezidenti Joan Laporta Avropa Liqasının 1/8 finalında “Qalatasaray”la keçirəcəkləri matçlar barədə danışıb.

Futbolmedia.az xəbər verir ki, o, “Barca TV”-yə açıqlamasında İstanbul təmsilçisi ilə səfər görüşünün çətin keçəcəyini deyib:

“Avropa Liqası bizi həyəcanlanıdırır. Çünki bu turnirin kuboku bizdə yoxdur. Avropa Liqasında həqiqətən də güclü komandalar var. “Qalatasaray”la səfər oyunu asan olmayacaq. Amma hər həftə daha da yaxşı çıxış etdiyimizə görə bu kuboku qazana biləcəyimizi düşünürəm”.

Qeyd edək ki, “Barselona” və “Qalatasaray” arasında ilk oyun martın 10-u İspaniyada keçiriləcək. Komandalar arasında cavab matçı martın 17-si Türkiyədə olacaq.