“Qalatasaray”da icarə əsasında çıxış edən “Milan”ın hücumçusu Alvaro Morata yenidən depressiyaya düşmə riski səbəbiylə “Atletiko”dan ayrılmağından danışıb.

Futbolmedia.az xarici KİV-ə istinadən xəbər verir ki, ispaniyalı forvard bu haqda “Onlar mənim kim olduğumu bilmirlər” sənədli filmində danışıb:

“Depressiyaya düşmək riskini gözə ala bilməzdim. “Atletiko” ilə kuboklar qazanmaq istəyirdim, amma başqa bir çətin dövr keçmək riskinə dəyməzdi. Bunu deməyə nifrət edirəm, amma bu, ən asan qərar idi”.

Moratanın psixoloji problemləri Çempionlar Liqasının 2023/24 mövsümünün 1/4 finalında “Borussiya” ilə matçda (2:4) əldən verilmiş təkbətək fürsətdən sonra yaranıb. O, 2024-cü ilin yayında “Milan”la müqavilə imzalayıb.