Azərbaycan Minifutbol Federasiyasının təşkilatçılığı ilə Bakıda keçiriləcək dünya çempionatına həsr olunan “Legends Cup”da “Neftçi 2000-lər”lə görüşdə “Premyer Liqa məşqçiləri”nin heyətində meydana çıxan Qurban Qurbanov təəssüratlarını bölüşüb.

Futbolmedia.az xəbər verir ki, “Qarabağ”ın baş məşqçisi jurnalistlərə açıqlamasında oyunun maraqlı keçdiyini bildirib:

“Çoxdandır belə bir şəraitdə, bu cür atmosferdə oynamamışdım. Düzdür, bir qədər ağır idi. Çünki formamızdan uzağıq. Bununla belə, futbolçuların ustalığını gördük. Çoxdan görmədiyim veteranları gördüm, zarafatlaşdıq, keçmiş günləri xatırladıq. Hamı üçün maraqlı oyun oldu”.