"Nottingem Forest"in hücumçusu Tayvo Avoniya komaya düşüb.

Futbolmedia.az xəbər verir ki, bu barədə Britaniya mətbuatı məlumat yayıb.

Futbolçu İngiltərə Premyer Liqasının 36-cı turunun "Lester"lə matçında (2:2) cəmi 7 dəqiqə meydanda olub. Tayvo rəqiblərin qapısı çərçivəsi ilə toqquşması zamanı qarın nahiyəsindən zədə alıb.

Klub futbolçunun bir gün əvvəl əməliyyat olunduğunu təsdiqləsə də, sonradan onun vəziyyəti ilə bağlı yenilik üzə çıxıb. Həkimlər belə nəticəyə gəliblər ki, Avoniyanın tezliklə başqa bir əməliyyat olması lazımdır. Çünki zədə düşünüldüyündən daha mürəkkəbdir. Avoniya hazırda komadadır. Onun 2-ci əməliyyatı bu günə planlaşdırılıb.

Qeyd edək ki, 27 yaşlı forvard bu mövsüm 32 oyun keçirib (815 dəqiqə) və 2 qol vurub.