Fransa millisinin sabiq futbolçusu Vissam Ben Yedder karyerasını İranda davam etdirəcək.

Futbolmedia.az xəbər verir ki, 34 yaşlı hücumçu “Sepahan”a keçib. Bu barədə klubun rəsmi saytı məlumat yayıb. Ben Yedder ilə mövsümün sonuna kimi müqavilə imzalanıb.

2024-cü ilin yayından klubsuz olan Ben Yedder son olaraq “Monako”da çıxış edib. O, ötən ilin noyabrında cinsi təcavüzdə təqsirli bilindiyindən 2 il şərti azadlıqdan məhrum edilib.

Qeyd edək ki, “Sepahan” İran çempionatında 24 turdan sonra 49 xalla 2-ci sıradadır. Cənubi Azərbaycan təmsilçisi “Traktor” isə bir oyun az keçirib və 51 xalla liderdir.